S÷fnun fyrir hljˇ­fŠrum og tˇnlistarh˙si Ý Kulusuk

Laugardaginn 23. mars klukkan 14.00  verða haldnir stórtónleikar í Eldborg í samstarfi við tónlistarhúsið Hörpu, þar sem margir þekktustu tónlistarmenn og hljómsveitir landsins stíga á svið í þágu íbúa Kulusuk á Grænlandi, en tónlistarhúsið í þorpinu brann til grunna í fárviðri á dögunum.
Ókeypis aðgangur er að tónleikunum, en þar verður safnað fjárframlögum og hljóðfærum, svo aftur megi óma tónlist í Kulusuk.
Verndari söfnunarinnar er forseti Íslands, hr. Ólafur Ragnar Grímsson.

Meðal þeirra tónlistarmanna og hljómsveita sem koma fram í Eldborg á laugardaginn eru Agent Fresco, Bjartmar Guðlaugsson, Bubbi Morthens, Digraneskórinn, DJ Margeir, Erpur Eyvindarson, Fóstbræður, Haffi Haff, Jakob Frímann Magnússon, Jón Ólafsson, KK, Morgan Kane, Pálmi Gunnarsson, Ojba Rasta, Sam Sam, Sísy Ey, Sykur, Unnsteinn í Retro Stefson, Unnur Eggertsdóttir og Þórunn Antonía.
Heiðursgestir á tónleikunum eru grænlensku tónlistarmennirnir Anda Kuitse, Anton Sianiale og Efraim Ignatiessen sem koma hingað til lands frá Kulusuk

KALAK, vinafélag Íslands og Grænlands, stendur að tónleikunum í Eldborg í samvinnu við fjölmarga velunnara Grænlands á Íslandi. 

KALAK hefur opnað söfnunarreikning vegna brunans mikla í Kulusuk. Reikningsnúmerið er 0322-26-002082, kennitala 4303942239.

Tekið er við hljóðfærum í Tónastöðinni, Skipholti 50d, og á tónleikunum í Hörpu á laugardaginn.

Sýnum vinum okkar og nágrönnum samstöðu og vinarhug!